चितवन। पछिल्लो २४ घन्टामा ७ जना कोरोना संक्रमित थपिएका छन् । सोहि अवधिमा १० जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ४ जना, खैरेहनी नगरपालिकामा १ जना, रत्ननगर नगरपालिकामा १ जना र राप्ती नगरपालिकामा १ जना संक्रमित थपिएका छन् । मंगलबार सक्रिय संक्रमितको संख्या १६० पुगेको छ ।
हालसम्म चितवनमा कोरोना संक्रमितको संख्या २७ हजार ०५९ पुगेको छ । २६ हजार ४६७ जना निको भएका छन् । चितवनमा कोरोनाबाट मृत्यु हुनेको संख्या ४३२ पुगेको स्वास्थ्य कार्यालय चितवनले जनाएको छ।
