चितवन। पछिल्लो २४ घन्टामा १३ जना कोरोना संक्रमित थपिएका छन् । सोहि अवधिमा १३ जना संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ११ जना र खैरेहनी नगरपालिकामा २ संक्रमित थपिएका छन् । सोमबार सक्रिय संक्रमितको संख्या १६३ पुगेको छ ।
हालसम्म चितवनमा कोरोना संक्रमितको संख्या २७ हजार ०५२ पुगेको छ । २६ हजार ४५७ जना निको भएका छन् । चितवनमा कोरोनाबाट मृत्यु हुनेको संख्या ४३२ पुगेको स्वास्थ्य कार्यालय चितवनले जनाएको छ।
