जुम्ला। शान्ति-सुरक्षा मजबुज बनाउन जुम्लाका प्रहरी चौकी निरीक्षण गरिएको छ । जुम्लाका प्रहरी नायव उपरीक्षक नरेन्द्र चन्दले शन्ति सुरक्षा सुदृढ पार्न, आमनागरिकमा प्रवाह गरिने सेवा निष्पक्ष, पारदर्शी, छिटो छरितो एवं सहज तुल्याउन प्रहरी चौकी निरीक्षण गरेका हुन् ।
चन्द्रले झारज्वाला, मणिसाँघु अस्थायी प्रहरी चौकी गुठीचौर र चौत्रामा रहेको प्रहरी चौकीको निरीक्षण गरेर आवश्यक निर्देशन पनि दिएका हुन् ।
‘हरेक प्रहरी कार्यालयमा प्रहरी सेवा प्रवाहमा चुस्तता आएको छ । प्रहरीले सामुहिक प्रहरी साझेदारी कार्याक्रम मार्फत यसअघि पनि नागरिक माझ सचेतनाका कार्यक्रम सञ्चालन गर्दै आएको छ,’ उनले भने, ‘प्रहरीले सञ्चालन गरेका यस्ता अभियानले नागरिक र प्रहरीबीचको सम्बन्ध समधुर बनेको छ ।’
