चितवन । पछिल्लो २४ घन्टामा चितवनमा १० जना कोरोना संक्रमित थपिएका छन् । सोहि अवधिमा २५ जना संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरमा ८ जना, खैरेनी नगरपालिका २ जना संक्रमित थपिएका छन् । शनिबार सक्रिय संक्रमितको संख्या १७५ पुगेको छ ।
हालसम्म चितवनमा कोरोना संक्रमितको संख्या २६ हजार ८९६ पुगेको छ । २६ हजार २८७ जना निको भएका छन् । चितवनमा कोरोनाबाट मृत्यु हुनेको संख्या ४३० पुगेको स्वास्थ्य कार्यालय चितवनले जनाएको छ।
