भरतपुर । पछिल्लो २४ घन्टामा चितवनमा १२ जना कोरोना संक्रमित थपिएका छन् । सोहि अवधिमा ४४ जना संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरमा १० जना, राप्ती नगरपालिका १ जना, खैरहनी नगरपालिकामा १ जना संक्रमित थपिएका छन् । बुधबार सक्रिय संक्रमितको संख्या १८६ पुगेको छ ।
हालसम्म चितवनमा कोरोना संक्रमितको संख्या २६ हजार ८५९ पुगेको छ । २६ हजार २४४ जना निको भएका छन् । चितवनमा कोरोनाबाट मृत्यु हुनेको संख्या ४२९ पुगेको स्वास्थ्य कार्यालय चितवनले जनाएको छ।
