भरतपुर । पछिल्लो २४ घन्टामा चितवनमा २२ जना कोरोना संक्रमित थपिएका छन् ।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरमा १६ जना,रत्ननगर नगरपालिकामा २ जना, माडी नगरपालिकामा २ जना, खैरहनी नगरपालिका १ र कालिका नगरपालिकामा १ जना संक्रमित थपिएका छन् । मंगलबार सक्रिय संक्रमितको संख्या २९४ पुगेको छ ।
हालसम्म चितवनमा कोरोना संक्रमितको संख्या २६ हजार ७५७ पुगेको छ । २५ हजार ३५ जना निको भएका छन् । चितवनमा कोरोनाबाट मृत्यु हुनेको संख्या ४२८ पुगेको स्वास्थ्य कार्यालय चितवनले जनाएको छ ।
