चितवन । चितवनमा पछिल्लो चौबीसघन्टामा थप २७४ जनामा कोरोना संक्रमण पुष्टि भएको छ । भरतपुर अस्पतालको कोभिड ल्याब र चितवन मेडिकल कलेजको कोभिड ल्याबमा गत चौबीसघन्टामा परीक्षण गरिएकामा २७४ जनामा संक्रमण पुष्टि भएको हो ।
भरतपुर अस्पतालको कोभिड ल्याबमा परीक्षण गरिएका २२४ नमुनामध्ये १३० जनामा संक्रमण पुष्टि भएको छ । जसमध्ये भरतपुर महानगरपालिकामा ४६ पुरुष र ४२ महिला, रत्ननगरमा ३ महिला र ५ पुरुष, खैरहनीमा २ पुरुष, कालिका नगरपालिकामा १ पुरुष, माडीमा २ पुरुष, नवलपरासीको गैँडाकोटमा १० पुरुष २ महिला, विनयी त्रिवेणीमा १ महिला, मध्यविन्दुमा १ पुरुष, कावासोतीमा १ पुरुष र ३ महिला, नुवाकोटमा १ महिला र १ पुरुष, पर्वतमा २ महिला, काठमाडौँका १ पुरुष र बारामा ३ पुरुषमा संक्रमण पुष्टि भएको भरतपुर अस्पताल कोभिड-१९ ल्याबका प्रमुख मणिराम महतोले जानकारी दिए ।
यस्तै, चितवन मेडिकल कलेजको कोभिड ल्याबमा बुधबार परीक्षण गरिएका २३० नमुनामध्ये १४४ जनामा कोभिड–१९ सङ्क्रमण पुष्टि भएको छ । जसमा भरतपुर महानगरका मात्रै ८९ जना छन् । तीमध्ये ४८ पुरूष र ४१ महिला छन् ।
यस्तै, खैरहनी नगरपालिकाका २ महिला र ३ पुरूष, माडीका १ पुरुष, कालिकाका १ महिला, रत्ननगरका ५ पुरुष र ३ महिला, राप्तीका १ महिला र २ पुरुष रहेका छन् ।
यसैगरी, नवलपुरको गैँडाकोटका १० महिला र ५ पुरुष, मध्यविन्दुका १ महिला र देवचुलीका २ पुरुष र १ महिलामा संक्रमण पुष्टि भएको सिएमसीका माइक्रोबायोलोजी विभाग प्रमुख डा. अनुप पौडेलले जानकारी दिए ।
यस्तै, गोरखाका ३ पुरुष र २ महिला, रुपन्देहीका १ पुरुष, बाराका १ महिला, रौतहटका १ पुरुष, धादिङका १ पुरुष र सर्लाहीका ३ पुरुषमा सङ्क्रमण पुष्टि भएको डा. पौडेलले जानकारी दिए ।
