चितवन । नेकपा (एमाले)का अध्यक्ष केपी शर्मा ओलीले प्रचण्डप्रति लक्षित गरी व्यग्य गर्दै एमालेले मतको कदर गर्ने र मत पत्र च्यात्ने नगरेको बताएका छन् ।
आज नेकपा (एमाले)को भरतपुर महानगर अधिवेशनमा बोल्दै एमाले अध्यक्ष ओलीले एमालेले सदैव मतको कदर गर्ने बताउदै जनताले एमालेलाई दिएको एक मत पनि खेर जान नदिने बताए । उनले, एमाले लोकतान्त्रिक पार्टी भएकोले अलोकतान्त्रिक गतिबिधि नगर्ने पनि स्पष्ट पारे । आफूहरुले यस अघि वुटवल, जनकपुरमा मआधिवेशन गरि सकेकोले चितवनमा महाधिवेशन गर्दा के को छटपटि भन्दै ओलीले महाधिवेशन गरेर मात्र चितवनमा जित्ने होइन, महाधिवेशन नगरे पनि एमालेले चितवन जिल्लामा चुनाव जित्ने दाबी गरे ।
अब जनता नझुकिने र दुई तिहाई पुगेको कम्युनिष्ट पार्टी ध्वस्त पार्नेहरु जनताले चिनेको जिकिर गर्दै ओलीले, उनीहरुकै कार्याकताहरुले पनि सूर्य चिन्हमा भोट हाल्ने दाबी गरे । अब छलकपट, जालझेलको जमना नरहको भन्दै उनले सूर्यको जमना आएको पनि बताए ।
