चितवन । नेकपा एमालेका अध्यक्ष केपी ओली कुरिनटार आइपुगेका छन् । ओलीलाई स्वागत् गर्न पार्टीका नेता, कार्यकर्ता विहानै देखि आतुर र उत्साहित देखिएका छन् । ओली निकट स्रोतका अनुसार अहिले नेकपा एमालेका अध्यक्ष ओलीले दासढुंगामा स्व जननेता मदन भण्डारी र अर्का नेता जीवनाथ आश्रितको सालिकमा माल्यार्पण गर्ने छन् ।
त्यसको केही बेरमा नेकपा एमालेका अध्यक्ष एवंम् पूर्वप्रधानमन्त्री केपी ओली नारायणी किनार आइपुग्ने छन् ।त्यहाँ ओलीले एमालेको महाधिवेशन उद्घाटन स्थल नारायणी नदी किनारको अवलोकन गर्ने कार्यक्रम रहेको छ ।
सडक मार्गबाट चितवन आउँदै गरेका ओलीलाई स्वागत गर्न एमालेका नेता कार्यकर्ता चितवनका विभिन्न ठाँउमा फूलमाला र खादा लिएर स्वागत् गर्न बसेका छन् । चितवनको मौवाखोलामा भने, कार्यकर्ताहरुले ओलीलाई स्वागत् गरिसकेका छन् ।
