भरतपुर । पछिल्लो २४ घन्टामा चितवनमा ११ जना कोरोना संक्रमित थपिएका छन् ।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरमा ९ जना, खैरहनी नगरपालिकामा १ जना र इच्छाकामना गाउँपालिकामा १ जना संक्रमित थपिएका छन् । आइतबार सक्रिय संक्रमितको संख्या २८८ पुगेको छ ।
हालसम्म चितवनमा कोरोना संक्रमितको संख्या २६ हजार ६४३ पुगेको छ । २५ हजार ९२८ जना निको भएका छन् । चितवनमा कोरोनाबाट मृत्यु हुनेको संख्या ४२७ पुगेको स्वास्थ्य कार्यालय चितवनले जनाएको छ ।
