दैलेख ।भगवतीमाई गाउँपालिकाको केन्द्र बेस्तडामा खेलकुद महोत्सव हुने भएको छ । शुभ दीपावलीको अवसरमा गाउँपालिकामा खेलकुद महोत्सव हुन लागेको हो ।
भगवतीमाई खेलकुद विकास समितिको आयोजना र गाउँपालिकाको समन्वयमा भगवतीमाई खेलकुद महोत्सव–०७८ हुन लागेको गाउँपालिका खेलकुद विकास समितिका अध्यक्ष शेरबहादुर खड्काले बताए ।
उनका अनुसार बेस्तडामा विविध कार्यक्रमसहित कर्णाली प्रदेश अन्तरपालिका स्तरीय खेलकुद प्रतियोगिता गर्ने लागेको छ । खेलमा कर्णाली प्रदेशका १० जिल्लाका सबै पालिकासहित छिमेकी जिल्ला अछामका खेलाडीलाई बोलाएको समितिले जनाएको छ ।
खेलकुदमा सहभागी हुने खेलाडीले यही १३ कात्तिकसम्म टिम दर्ता गर्न पाउने छन् । टिम दर्ता सकिएपछि १४ कात्तिकदेखि १७ कात्तिकसम्म प्रतियोगिता हुनेछ । चार दिन चल्ने खेलकुद महोत्सवमा भलिबलतर्फ प्रथम हुनेले एक लाख ११ हजार रुपैयाँ नगदसहित ट्रफी मेडल र प्रमाणपत्र, द्धितिय हुनेले ६१ हजार रुपैयाँ नगदसहित ट्रफी मेडल र प्रमाणपत्र, तृतीय हुनेले ३१ हजार रुपैयाँ नगदसहित ट्रफी मेडल र प्रमाणपत्र, उत्कृष्ट खेलाडीले पाँच हजार रुपैयाँसहित ट्रफी पाउने छन् । न्युज कारखाना
