चितवन। चितवनमा आज १३९ जना कोरोना संक्रमित थपिएका छन् । आज थपिएका नयाँ १३९ संक्रमित सहित चितवनमा सक्रिय संक्रमितको संख्या ७२४ पुगेको स्वास्थ्य कार्यालय चितवनले जनाएको छ ।
आज थपिएका संक्रमितहरुमा ११८ जना भरतपुर महानगरपालिकाभित्रका छन् । रत्ननगर नगरपालिकाका ११ जना, राप्तीका ६ जना र खैरहनीका ४ जना रहेका छन् ।
चितवनमा जम्मा संक्रमितको संख्या ७ हजार ६९२ जना पुगेको छ । जसमध्ये ६ हजार ८५२ जना निको भएका छन् । ११६ जनाको मृत्यु भएको छ भने अस्पतालको आइसोलेसनमा ५२ जना र घरमै आइसोलेसनमा ६७२ जना रहेका छन् ।
