चितवन । लियो क्लबअफ नारायणगढ चित्रवनको आयोजनामा फुटसल प्रतियोगिता हुने भएको छ।
लियो क्लबअफ नारायणगढ चितवनले आज ( शुक्रबार ) पत्रकार सम्मेलनको आयोजना गरी दशैँ तथा शुभदिपावलीको अवसरमा आठौँ अन्तर लायन्स लियो फुटसल प्रतियोगिता हुने जानकारी दिएको हो ।
असोज २३ गते सुरु हुने प्रतियोगिता असोज २४ गते सम्म हुने क्लबका अध्यक्ष लियो सन्तोष सुवेदीले जानकारी दिनुभयो । उहाँका अनुसार फुटसल प्रतियोगितामा काठमाडौं , हेटौंडा , बुटवल , चितवन, र नवलपुरका लियो क्लबहरु सहभागी हुँने भएका छन् ।
उहाँले फुटसल प्रतियोगितामा २८ वटा लायन्स , लियो क्लबहरु सहभागी हुने बताउनुभयो । उहाँका अनुसार प्रथम टिमलाई २५ हजार मेडल , ट्रफि र प्रमाण पत्र साथै द्वितिय टिमलाई १२ हजार मेडल , ट्रफि र प्रमाण पत्र प्रदान गरिने छ ।
भरतपुर -७ स्थित गौतम चोकमा रहेको चितवन फुटसल एण्ड स्पोर्ट्समा हुने उक्त प्रतियोगितामा सहभागिता हुने क्लबलाई ३ हजार ५ सय प्रवेश शुल्क तिर्नु पर्नेछ ।
पत्रकार सम्मेलनमा लियो ३२५ वि २ का एरिया एक्जिक्युटिभ सेक्रेटरी पुरुषोत्तम सुवेदी , लियो जिल्ला परिषद् ३२५ बि २ नेपाल अन्तर्गत,एरीया–३ चिफ कोर्डीनेटर विज्ञान पौडेल , कार्यक्रम संयोजक बिमोचन आचार्य लगाएतको सहभागीता रहेको थियो ।
