काठमाण्डौ । इंग्लिस प्रिमियर लिगमा चेल्सीले टोटनह्यामलाई हराएको छ । गएरातिको खेलमा टोटनह्यामलाई १–० गोलले हराएर चेल्सी च्याम्पियन्स लिग छनोटमा फर्काएको छ ।
यो जीतसँगै न्यूक्यासल र म्यानचेस्टर सिटीलाई उछिन्दै चेल्सी ५२ अङ्कसहित लिग तालिकाको चौथो स्थानमा उक्लिएको छ । १४ औं स्थानमा रहेको टोटनह्यामको ३४ अङ्क छ ।
प्रतियोगितामा अब आठ चरणका खेलहरू बाँकी छन् र यसपटक शीर्ष पाँच टोली च्याम्पियन्स लिगमा छनोट हुने सम्भावना छ ।
ईपीएलमा लिभरपुल ७३ अङ्कसहित शीर्ष, आर्सनल ६१ अङ्कसहित दोस्रो र नटिङ्घम फरेस्ट ५७ अङ्कसहित तालिकाको तेस्रो स्थानमा छन् ।
