चितवन। नारायणगढ –मुग्लिन सडकको सेतीदोभानमा बस दुर्घटना भएको छ। आज बिहान करिब पौने पाँचबजे बस दुर्घटनामा परेको इलाका प्रहरी कार्यालय मुग्लिनकी प्रहरी निरीक्षक निरला भण्डारीले जानकारी दिनुभयो ।
बाँकेको नेपालगञ्जबाट काठमाडौँतर्फ जादै गरेको लु.प्र.०३-००१ख ००७७ नम्बरको बस पुलबाट २० मिटर तल खसेर दुर्घटना भएको जिल्ला प्रहरी कार्यालय चितवनले जनाएको छ।
बसमा सवार २८ जनामध्ये २४ जना जनालाई घटनास्थलबाट उद्धार गरेर भरतपुर ल्याइएको छ। उनीहरुको चितवन मेडिकल कलेजमा उपचार भैरहको छ। दुर्घटनामा २ जना यात्रु गम्भीर घाइते भएका छन् भने अन्य सकुशल रहेका छन् । टायर पन्चर हुँदा बस अनियन्त्रित भएर दुर्घटनामा परेको प्रहरीले जनाएको छ। घटनाको थप विवरण आउँन बाँकी छ।
