चितवन। माडी नगरपालिका –३, धोबाहामा गैंडाको आक्रमणमा परी एकजनाको मृत्यु भएको छ। बच्चा सहितको गैंडाले आक्रमण गर्दा माडी-३, बैराँठ निवासी अन्दाजी बर्ष ५० का छबिलाल बोटको घटनास्थलमै मृत्यु भएको हो । गैंडाको आक्रमणबाट तीन जना घाइते भएका छन् ।
त्यस्तै सोही गाउँ निवासी कृष्ण महतो घाइते भएका छन् । गैंडाले खुट्टामा कुल्चँदा उनको खुट्टा भाँचिएको छ ।
सोही गैंडाकै आक्रमणबाट अन्य दुईजना, माडी ३, बैराठ गाउँकै राजु बोट र हेमराज महतो सामान्य घाइते भएका छन् । धोबाहा गाउँमा रिउ नदी पारीपट्टी काँसघारीमा भैंसी चराउन जाँदा उनीहरुमाथि गैंडाले आक्रमण गरेको हो । घाइतेहरुलाई उपचारका लागि बघौंडा अस्पतालमा ल्याइएको छ ।
