काठमाडौँ। चलचित्र ‘मायावी’को दोस्रो गीत सार्वजनिक भएको छ। सार्वजनिक ‘टल टल टल्कियो’ बोलको गीतमा एसडी योगी र रेश्मा पुनको स्वर सुन्न सकिन्छ। राम अविरलको शब्द रहेको गीतमा योगीकै संगीत छ।
गीतको भिडिओमा पल शाह, दीपिका प्रसाईं, सुशिल सिटौला, करिश्मा श्रेष्ठ लगायतका कलाकारहरु फिचर्ड छन्। भिडियोमा दीपिकाको अर्कैसँग इंगेजमेंट भएपछि पलले यो गीत गाएको देखाएको छ।
भिडिओमा कविराज गहतराजको कोरियोग्राफीमा पल र दीपिका लगायतले छमछमी रहेको छ। भिडिओलाई युट्युवमा राम्रो प्रतिक्रिया मिलिरहेको छ।
दिवाकर भट्टराइको लेखन तथा निर्देशनमा रहेको यो फिल्म आगामी फागुनको १४ गतेबाट प्रदर्शन हुनेछ। चलचित्रको कार्यकारी निर्माता प्रविन भट्टराई र करण सिंह हुन्।
क्रियटिम सिने आर्टस् र नेम महर्जनको लगानी रहेको चलचित्रमा ध्रुव न्यौपाने, राज कटुवाल र चन्द्र पन्त निर्माताको रुपमा छन्। साथै, चलचित्रमा राजु पराजुली र सुमित वली सह–निर्माताको रुपमा छन्।
फिल्ममा करिश्मा श्रेष्ठ र नव–कलाकार समीम खान, राजाराम पौडेल, प्रशान्त ताम्राकार, लक्ष्मी गिरी, अंशु महर्जन, रवि डंगोल, रमा प्रसाँई, दीपेन्द्र सिम्खडा, संगीता सिलवाल लगायतको अभिनय छ।
