चितवन । ईलाका प्रहरी कार्यालय रत्ननगरले जनप्रतिनिधि र शिक्षक संग साइबर अपराध सम्बन्धी सचेतनामूलक प्रशिक्षण एवं नागरिक सुनुवाई कार्यक्रम शुक्रबार सम्पन्न गरेको छ ।
दिनप्रतिदिन सामाजिक संजाल मार्फत हुने अपराध र ठगीको न्यूनीकरणका लागि प्रशिक्षण महत्वपूर्ण हुने रत्ननगर नगरपालिकाका नगर प्रमुख प्रलाद सापकोटाले बताए । समाजलाई विखण्डित गर्ने खालका अपराध वृद्धि भइरहेको हुँदा प्रहरी नागरिक सुनुवाईले यस्ता अपराधको पहिचान गरी समयमै व्यवस्थापन गर्न सयोग पुर्याउने नगर प्रमुख सापकोटाले विश्वास व्यक्त गरे । सामाजिक अपराध न्यूनीकरणका लागि रत्ननगर नगरपालिकाले प्रहरीको सहयोगका यस्ता प्रशिक्षण र नागरिक सुनुवाईलाई निरन्तरता दिने उनले बताए ।
प्रहरीले प्रदान गर्ने सेवा प्रवाह र शान्ति सुरक्षाका सवालमा सर्वसाधारणको भावना बुझ्न नागरिक सुनुवाई गर्दै आएको प्रहरीले पछिल्लो पटक जनप्रतिनिधि र शिक्षक संग नागरिक सुनुवाई कार्यक्रम गरेको जिल्ला प्रहरी कार्यालय चितवनका कार्यालय प्रमुख प्रहरी उपरीक्षक गौतम मिश्रले बताए । । प्रहरीले नागरिक सुनुवाइ कार्यक्रम यसअघि स्कुल, आमा समुह, युवा क्लब लगायतका स्थानमा सम्पन्न गरेको मिश्रले वताए । प्रहरीले सिधै भनेको भन्दा शिक्षकले आफ्नो शिक्षणकला मार्फत विधार्थीहरुलाई प्रशिक्षण दिदाँ अझै प्रभावकारीता वढ्ने उद्देश्यका साथ जनप्रतिनिधि र शिक्षक संग नागरिक सुनुवाइ गरिएको उनले बताए ।
ईलाका प्रहरी कार्यालय रत्ननगरका प्रहरी प्रमुख प्रहरी नायव उपरिक्षक (डिएसपि) रन्जन अवाले साइबर अपराधका विभिन्न प्रकार, त्यसले निम्त्याउने समस्या, हानि-नोक्सानी र कानुनी सजायबारे जानकारी दिएनु भएको थियो । साथै, साइबर अपराधबाट कसरी जोगिन सकिन्छ भन्ने विषयमा व्यापक रूपमा प्रशिक्षण दिनुभएको थियो । अवाले सम्पूर्ण सहभागी जन प्रतिनिधि र शिक्षकहरुलाई सचेत रहन र सुरक्षित रहन आग्रह समेत गर्नु भएको छ । प्रशिक्षण कार्यक्रममा सहभागीहरुले विभिन्न प्रश्न र जिज्ञासाहरू राखेका थिए । उनले सबैको जिज्ञासा समाधान गर्दै उनले बर्तमान ऐन कानुनका बारेमा प्रकाश पारेका थिए ।
रत्ननगर नगरपालिकाको सभाहलका भएको सो नागरिक सुनुवाईमा रत्ननगर नगरपालिकाका प्रमुख प्रशासकीय अधिकृत शुकदेव लम्साल,वडा अध्यक्षहरु,जनप्रतिनिधिहरु, निजी तथा आवासीय अर्गनाइजेशन नेपाल (प्याब्सन) चितवनका अध्यक्ष मदन पुरी , रत्ननगर अन्तर्गतका सामुदायिक र संस्थागत विधालयबाट प्रध्यानध्यापक, शिक्षकहरुको उपस्थिति रहेको थियो ।
