चितवन। भरतपुर महानगरपालिकाले खाद्य प्रबिधि तथा गुण नियन्त्रण डिभिजन कार्यलय चितवनको सहकार्यमा बजार अनुगमन गरेको छ । महानगरले बुधबार भरतपुरका विभिन्न नाम चलेका होटल तथा रेष्टुरेन्टहरुमा खाद्य प्रबिधि तथा गुण नियन्त्रण डिभिजन कार्यलयको सहयोगमा अनुगमन गरेको छ ।
खाद्य प्रबिधि तथा गुण नियन्त्रण डिभिजन कार्यलयका खाद्य प्रमुख प्रमोद चन्द्र पौडेलले महानगरले गरेको नियमित स्वच्छ बजार अनुगमनमा हामीले पनि सहकार्य गर्न पाउँदा बजारमा देखिएको खाद्य सम्बन्धी समस्या समाधान गर्न ठुलो मद्दत पुग्ने बताउनु भयो । भरतपुरमा खाद्य सम्बन्धी केहि समस्याहरु रहेको बताउदै प्रमुख पौडेलले खाद्य क्षेत्रमा देखिएका जटिलतालाई निर्मुल पार्न दुई सस्था बिच आबश्यक समन्वय हुनुपर्ने अवस्था रहेको प्रष्ट पार्नुभयो ।
बुधबार भरतपुर १२ बाइपासमा रहेको भज्जु चुलो,पुरानो रिसिङ्ग कटेज एण्ड रेष्टुरेन्ट,अताली फुड म्युजिक बार,बिग मार्ट लगाएतका दर्जनौं व्यावसायिक पसलहरुमा अनुगमन गरिएको हो । अनुगमनका क्रममा सचेत गराउनुको साथै सरसफाइमा ध्यान दिन आग्रह गरिएको छ ।
बजारमा हुने कालो बजारी, राजश्व छली, म्याद गुज्रिएका दैनिक उपभोग्य बस्तुहरु माथीको अनुगमन तथा निरीक्षण कार्यलाइ भरतपुर महानगरपालिकाले तिब्रताका साथ अगाडी बढाउदै आइरहेको छ। नियमित सयुक्त बजार अनुगमनको टोलिले म्याद गुज्रेका, सडेगलेका, अखाद्य वस्तु बिक्री गर्दै आएका तथा बिना इजाजत व्यवसाय सञ्चालन गरिरहेका माथि अनुगमन गरेको हो ।
अनुगमनमा फेला परेका अखाद्य बस्तुहरुलाइ बिज्ञ र स्वयं पसलेहरुको रोहवरमा तत्काल नै नष्ट समेत गरिने गरिएको छ । अनुगमनका क्रममा अखाद्य प्रमाणीत भएका बस्तुहरुलाइ प्रयोग नगर्न सुझाव दिएका छौं, महानगरको पशु चिकित्सक डा दिपेश केसिले भने, ब्यबसायीहरुलाइ मापदण्ड अनुसार आफ्नो ब्यापार सन्चालन गर्न, मुल्य सुची कायम राख्न, नाप तौलमा एकरुपता ल्याउन,बिल भर्पाइलाइ छरितो बनाउन, चाडपर्बको बेलामा दैनिक उपभोग्य बस्तुहरुमा कालो बजारी नगर्नका लागि सजग गराइएको छ ।
सयुक्त बजार अनुगमन कार्य भरतपुर महानगर अन्तर्गतको उपभोक्ता हित सरक्षण शाखा तथा शासकीय सुधार इकाइको दैनिक बजार अनुगमन कार्य मै पर्दछ । पछिल्लो पटक बजारमा कालो बजारी बढेकाे,म्याद नाघेका बस्तुहरुको खुलेआम बिक्रीवितरण भइरहेको, केही पसलहरु बिना दर्ता सन्चालनमा आएका, कुनै कुनै पसलहरु नवीकरण नगरिकन संचालित भएका लगाएतका जनगुनासोहरु व्यापक आएको हुँदा हामीले बजार अनुगमनलाइ पुन निरन्तरता दिएका हौ भरतपुर महानगरको उपभोक्ता हित सरक्षण शाखा तथा शासकीय सुधार इकाइ शाखाका शाखा अधिकृत ठानेश्वर सापकोटाले भन्नुभयो ।
अनुगमनमा समितिका सदस्य बिष्णु भुजेल,गोपाल दराइ,पशु चिकित्सक तथा मत्स्य बिज्ञहरु, नगर प्रहरी लगाएतको उपस्थिति रहेको थियोे ।
बजार अनुगमनमा गएको टोलिले बजार अनुगमनलाइ औपचारिक भन्दा पनि प्रभाकारी बनाएर जाने निर्णय गरेको छ । उपभोक्ता सरक्षण एन २०७५ को दफा २८ तथा ६४ ले स्थानीय निकायलाइ बजार अनुगमन गर्ने अनुमती प्रदान गरेको छ ।
