काठमाडौँ। नेपालमा पछिल्लो समय कोरोना संक्रमितको संख्या बढ्दै गएको छ । पछिल्लो २४ घण्टामा थप ९०० मा कोरोना भाइरस सङ्क्रमण पुष्टि भएको छ । योसँगै नेपालमा कोरोना भाइरस सङ्क्रमितको सङ्ख्या दुई लाख ८२ हजार ८९० पुगेको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार ५ हजार ५३७ मा पिसीआर र ६२१ मा एन्टिजेन गरी ६ हजार १५८ को कोरोना परीक्षण गर्दा ९०० मा कोरोना पुष्टि भएको हो । त्यस्तै,थप २०८ जनाले कोरोना जितेका छन् । योसंगै हालसम्म निको हुनेको संख्या २ लाख ७४ हजार ८१२ पुगेको छ ।
पछिल्लो २४ घण्टामा ४ जना कोरोना सङ्क्रका कारण मृत्यु भएको छ । हालसम्म कोरोनाबाट मृत्यु हुनेको सङ्ख्या तीन हजार ७० पुगेको छ । भने सक्रिय संक्रमितको संख्या ५ हजार ८ पुगेको छ ।
