काठमाडौ । सीसी विश्वकप लिग–टू क्रिकेटको तयारीमा रहेको नेपाली टोलीले श्रीलंकामा अभ्यास गर्ने भएको छ ।
नेपाल क्रिकेट संघ क्यानका अनुसार नेपाली टोलीले श्रीलंका डेभलपमेन्ट स्क्वाडसँग ३ खेलको एक दिवसीय सिरिज खेल्ने भएको हो ।
सिरिजको तालिकामा पनि क्यानले शुक्रबार सार्वजनिक गरेको छ । नेपाली टिमले पहिलो एक दिवसीय खेल ३ सेप्टेम्बरमा खेल्ने छ । हरेक एक दिवसीय अघि एक दिन अभ्यासको समय रहेको पनि क्यानले जनाएको छ । दोस्रो ५ तारिख र तेस्रो ७ तारिखमा हुने छ ।
यसैगरी उक्त प्रतियोगिताका लागि १९ सदस्यीय नेपाली टोली पनि घोषणा गरिएको छ ।
