चितवन। चट्याङ लागेर बिग्रिएपछि बन्द भएको भरतपुर अस्पतालको एमआरआई सेवा पुनः सुचारु भएको छ ।
मेशिन मर्मत गरेसँगै एमआरआई सेवा आजबाट पुनः सुचारु भएको भरतपुर अस्पतालका सूचना अधिकारी गोपाल पौडेलले जानकारी दिए ।उनका अनुसार १६ गते एमआरआई मेसिनको एमप्लिफायरमा चट्याङ्क लागेर बिग्रीएको थियो ।
जर्मनीमा बनेको सिमेन्स कम्पनीको ‘थ्री टेस्ला ६४ च्यानल’को सो मेसिन गत जेठ २३ गते अस्पतालमा ल्याइएको थियो । अस्पतालमा राम्रोसंग अर्थिङ्ग भए पनि मेसिनमा चट्याङ्गले क्षति गरेको थियो । भरतपुर अस्पतालमा असार २५ गतेदेखि एमआरआई सेवा सुरु गरिएको थियो ।
एमआरआई सेवा सुरुभएपछि यहाँ दैनिक १५–१८ जनाको हाराहारी बिरामीले एमआरआईको सेवा लिँदै आएका छन् ।
