काठमाडौं । नेपाल र बंगलादेशको राष्ट्रिय महिला टोलीबीचको दोस्रो मैत्रीपूर्ण खेल दशरथ रंगशालामा आज साझ हुँदैछ । खेल साँझ ५ बजे सुरु हुनेछ । एएफसी एसियन कप छनोट खेल्ने तयारीमा रहेको नेपाली टोलीले बिहीबार भएको पहिलो मैत्रीपूर्ण खेलमा बंगलादेशलाई २–१ ले हराएको थियो ।
प्रशिक्षक ग्यारी फिलिप्सले बंगलादेशविरुद्धको खेलमा सविता र प्रीतिसँगै सिर्जना सिंह ठकुरी र रश्मी कुमारी घिसिङलाई पनि डेब्यु दिएका थिए । दोस्रो मैत्रीपुर्ण खेलमा प्रशिक्षक ग्यारीले अग्रपङ्तिमा सविता र प्रीतिसँगै बिमला चौधरी र मिडफिल्डमा कप्तान रेनुका नगरकोटे, सरु लिम्बु र मन्जली योन्जनलाई नै निरन्तरता दिने सम्भावना छ ।
४ खेलाडीले डेब्यू गरेको खेलमा सविता राना मगर र प्रिती राईको गोलमा दशरथ रंगशालामा पहिलो पटक उत्रेको राष्ट्रिय महिला टोलीले जित हासिल गरेको थियो । डेब्यू गर्ने ४ मध्ये सविता र प्रिती पनि थिए । उनीहरु दुवैले पहिलो रोजाईमा खेलको सुरुवात गरेका थिए । सृजना सिंह र रश्मीकुमारी घिसिङले सोही खेलमार्फत डेब्यू गरेका थिए ।
