चितवन । पूर्वी चितवनको रत्ननगर वडा नं १ मा आयोजना गरिएको रक्तदान कार्यक्रममा ५१ युनिट रगत संकलन भएको छ । गंगा प्लाजा व्यवसायी समितिले आयोजना गरेको सो कार्यक्रममा ८ जना महिला सहित ५१ जनाले रक्तदान गरेको कार्यक्रम संयोजक सेवक बास्तोलाले जानकारी दिए ।
विश्व जनसंख्या दिवसको अबसरमा आयोजना गरिएको रक्तदान कार्यक्रमको वडा नं १ का वडाध्यक्ष कुलप्रसाद सापकोटाले उद्घाटन गरेका थिए । सो अबसरमा उनले आम नागरिकले दान गरेको रगत विरामीसम्म पुग्न मुश्किल रहेको भन्दै पावरको भरमा रगत उपलब्ध गराउने गलत प्रवृतिको अन्त्य हुनुपर्ने बताए । सामान्य मान्छेले विरामी हुँदा रगत पाइदैन उनले भने भनसुनका आधारमा रगत पाउने अबस्थाको अन्त्य हुनुपर्छ ।
चितवनमा देखिएको रगतको अभावलाई मध्यनगर गरी सामाजिक उत्तरदायित्व बहन गरी रक्तदान कार्यक्रम आयोजना गरिएको समितिका अध्यक्ष रामकुमार बुढाथोकीले बताए । गंगा प्लाजा व्यवसायी समितिका अध्यक्ष रामकुमार बुढाथोकीको अध्यक्षतामा भएको उद्घाटन कार्यक्रम सल्लहाकार शंकर पौडेलले सञ्चालन गरेका थिए ।
कार्यक्रममा वडाध्यक्ष सापकोटा सहित व्यवसायी समितिका पूर्वअध्यक्षहरु, विभिन्न संघसंस्थाका प्रतिनिधि र नियमित रक्तदान गर्ने युवा,युवतीहरुले रगत दिएका छन् ।
