काठमाडौं । इंग्लिस प्रिमियर लिग फुटबलमा क्रिस्टल प्यालेसले सहज जित निकालेको छ । क्रिस्टलले टोटेनहमलाई पराजित गरेको हो ।
शनिबार भएको खेलमा क्रिस्टलले टोटेनहमलाई ३–० ले हरायो । घरेलु मैदानमा विल्फ्रिड जाहाले ७६औँ मिनेटमा गोल गर्दै क्रिस्टललाई अग्रता दिलाएका थिए । ८४औँ मिनेटमा ओडसन एडुवार्डले गोल गर्दै टिमको अग्रता दोब्बर पारे । खेलको इन्ज्युरी समयमा ओडसनले व्यक्तिगत दोस्रो गोल गर्दै क्रिस्टललाई ३–० को जित दिलाए ।
पहिलो हाफ गोलरहित बराबरीमा सकिएको खेलको ५८औँ मिनेटमा टोटेनहम १० खेलाडीमा समेटिएको थियो । टाङगंगा दोहोरो पहेँलोसहित रातो कार्ड पाएर मैदानबाट बाहिरिएका हुन् ।
टोटेनहमको यो सिजनको पहिलो हार हो । टोटेनहमले ४ खेलबाट ९ अंक जोडेको छ । क्रिस्टल ४ खेलबाट ५ अंक जोडेर ११औँ स्थानमा छ ।
