नवलपुर । नवलपुरको मध्यबिन्दु नगरपालिका दुई सेहरीस्थित नारायणी नदीमा आज नुहाउन गएका वृद्धलाई गोहीले आक्रमण गर्दा मृत्यु भएको छ ।
मध्यबिन्दु नगरपालिका–२ सेहरी बस्ने ७२ वर्षीय मिनबहादुर थारुलाई नुहाउने क्रममा गोहीले आक्रमण गर्दा मृत्यु भएको जिल्ला प्रहरी कार्यालय नवलपुरका डिएसपी तथा सूचना अधिकारी बेद बहादुर पौडेलले जानकारी दिनुभयो ।
नारायणी नदी किनारको र नुहाउन गएका थारुलाई गोहीले तानेर पानीभित्र डेढ घण्टासम्म राखेको थियो । चितवन राष्ट्रिय निकुञ्जको टोली, प्रहरी ,स्थानीयले डुङ्गाको प्रयोग गरि शव निकालेका थिए ।
गोहीलाई नियन्त्रणमा लिएर निकुञ्जको टोलीले लगेको छ ।
