काठमाडौँ। मेडिकल व्यवसायी तथा राजावादी अभियन्ता दुर्गा प्रसाईंले पूर्वराजा ज्ञानेन्द्र शाहसँग भेट गरेका छन्। प्रसाईंले सामाजिक सञ्जालमार्फत आफूले पूर्वराजा शाहलाई सोमबार भेटेको जानकारी दिएका हुन्।
उनले लेखेका छन्, ‘श्री ५ महाराजाधिराज सरकारसँगको अर्थपूर्ण भेट।’
पूर्वराजाले बोलाएपछि सोमबार बाराको सिमरा पुगेर भेटवार्ता गरेको प्रसाईंले सञ्चारमाध्यमलाई बताएका छन्। झन्डै २ घण्टाको संवादमा देशको अवस्थाबारे कुराकानी गरेको प्रसाईंले बताएका छन्।
यसअघि उनले अभिनेत्री मनीषा कोइरालासँग भेटेको तस्बिर पनि सार्वजनिक गरेका थिए।
