चितवन । नेकपा माओवादी केन्द्रले पार्टी छाडेर अर्कै पार्टीमा गइसकेका नेतालाई समेत अझै आफ्नो सूचीमा समेटी रहेको पाइएको छ ।
हालै सम्पन्न स्थायी समिति बैठकले गरेको निर्यायको परिपत्रमा यस्तो पाइएको हो । परिपत्रको सूचीमा २४६ नम्बरमा यसअघि नै नेकपा एमालेमा गइसकेका यम बहादुर परियारको नाम समेत समावेश छ । नेता परियार यसै वर्षको भाद्र ३० गते एमालेमा प्रवेश गरेका थिए । एमालेमा जानु अघि उनी माओवादीको केन्द्रीय सदस्य तथा चितवन जिल्ला सह ईन्चार्ज थिए ।
हाल उनी एमालेको केन्दीय सदस्यको रुपमा क्रियाशिल छन् । यता माओवादीले भने उनलाई अझै आफ्नै नेताको रुपमा सूचीमा राखिरहेको देखिन्छ ।
