चितवन । चितवनमा एक पोथी गैडा मृत अवस्थामा फेलापरेको छ ।
चितवन राष्ट्रिय निकुञ्जको अमलटारी सेक्टर अन्तर्गत कुजौली रेन्जपोष्टको कार्यक्षेत्र भित्र पर्ने नारायणी नदीको भंगालोको किनारामा अन्दाजी १८ वर्षको एक पोथी गैडा मृत अवस्थामा फेलापरेको छ ।
हिजो बिहान ५:४० बजेको समयमा निकुञ्जको नियमित संयुक्त गस्ति टोलिले भेटेको थियो । साथै उक्त गैडाको खाग खुर सुरक्षित रहेको र प्रकृतिक कारण (बुढोभएर) मृत्यू भएको चितवन राष्ट्रिय निकुञ्जका सूचना अधिकारी गणेशप्रसाद तिवारीले जानकारी दिए ।
चितवन राष्ट्रिय निकुञ्ज र निकुञ्जको मध्यवर्ती क्षेत्रमा चालु आर्थिक वर्ष २०७९र०८० मा मृत्यू हुने गैडाको संख्या ५ वटा रहेको छ ।
