चितवन । अंग्रेजी नयाँ वर्ष मनाउँन पूर्वराजा ज्ञानेन्द्र शाह चितवन आएका छन् । बुधबार पूर्वराजा ज्ञानेन्द्रको स्वागतमा चोक चोकमा संयौँको संख्यामा समर्थकहरु सहभागी भएका थिए । उनिहरुले ‘राजा आउ देश बचाउ’को नारा लगाउँदै पुष्पगुच्छाले स्वागत गरेका थिए ।
परिवारसहित आएका उनी होटल सोल्टीमा बसेका छन् । निजि भ्रमणमा रहेका पूर्व राजा शाह आफ्नै गाडीमा सिमरा बाट हेटौँडा हुदैँ चितवन आई पुगेका हुन् । उनले आफ्नो भ्रमणबारे कुनै प्रतिक्रिया दिएका छैनन् । श्रोतका अनुसार उनले नयाँ वर्ष चितवनमा नै मनाउने छन । उनका लागि संगितिक कार्यक्रमको समेत आयोजना गरिदैँछ । चितवनमा पूर्वराजा शाहले केही राजनीतिक भेटघाट समेत गर्ने उच्च स्रोतले जनाएको छ ।
