पोखरा । नेपाली कांग्रेसका महामन्त्री गगन थापाले आफू अपमानित भएको बताएका छन् ।
पोखरा लिटरेचर फेस्टिबलमा बोल्दै थापाले सभापतिको घरमा बैठक बोलाएको हुँदा नबोलाइ जान नपाएको र आफू अपमानित भएर पोखरा आएको बताएका हुन् ।
सत्ता गठबन्धनमा पार्टी सभापति शेरबहादुर देउवाले पार्टीमा छलफल गर्नुपर्छ भनेको सुनेपछि कतिबेला बोलाउनुहुन्छ भनेर फोन कुरेर बसेको उनले बताए । ‘नढाँटी भन्दा म बिहान ६ बजेदेखि सभापतिको फोन कुरेर बसेको थिएँ । समाचारमा के पढेँ भने पार्टीसँग छलफल गर्छु भन्नुभएको रहेछ । त्यो भनिसकेपछि म पनि पदाधिकारी भएको हुनाले बैठकमा जानुपर्छ भन्ने लागेको थियो ।’ थापाले भने ।
तर, बैठक घरमा बोलाइएकोले नबोलाई कुरेर बसेको उनको भनाई छ । ‘म बैठकमा जाँदा आउन भ्याउँदिन कि भन्ने लागेको थियो मैले मेरो टिकट पनि सारेँ । तर, म अन्तिममा यता आएँ । यहाँ अपमानित भएर आएँ ।’ थापाले भने ।
