चितवन । नेपाल स्वतन्त्र पार्टीका सभापति रबि लामिछानेले चितवन क्षेत्र नं २ बाट चुनाव लड्ने भएका छन् । प्रतिनिधि सभाको निर्वाचनको लागि चितवन २ बाट उमेदवारी दिन लामिछाने चितवन आइपुगेका छन् । सो पार्टीको चितवन जिल्ला समितिले शुक्रबार लामिछानेलाई चितवनबाटै चुनाब लड्न अनुरोधपत्र पठाएको थियो ।
सुरुवातमा, पार्टी घोषणापूर्व गत असारमा उनले काठमाडौंबाट उम्मेदवारी दिने बताएका थिए । तर पछि उहाँले मतपत्र सुरक्षित रहने हो भने चितवन ३ मा उम्मेदवारी दिनसक्ने अभिव्यक्ति दिएका थिए ।
चितवन २ मा एमालेका कृष्णभक्त पोखरेल र बामलोकतान्त्रिक गठबन्धनको तर्फ़बाट नेपाली कांग्रेसका उमेश श्रेष्ठले उमेदवारी दिँदै छन् । निर्वाचन आयोगले आज प्रतिनिधि सभा र प्रदेश सभा सदस्यका उम्मेदवारको मनोनयन दर्ता गर्दै छ । मुख्य निर्वाचन अधिकृतको कार्यालय भरतपुरले स्वतन्त्र पार्टीका उम्मेदवारलाई मनोनयन दर्ता गर्न दिउँसो १२ बजेको समय दिएको छ ।
