चितवनः एनआरएनए अष्ट्रेलियाको महासचिबमा पश्चिम चितवन रामपुरका राजुबाबु अधिकारी झण्डै दोव्वर मतका साथ निर्वाचित हुनु भएको छ । उहाँले ७ हजार ८ सय १५ मत ल्याउनु भएको थियो । उहाँका निकटतम प्रतिद्धन्द्धि अच्यूत शर्मा थपलियाले ४ हजार ५ सय ७३ मत मात्र ल्याउनुभयो ।
सन २००५ मा नेपालमा इलोक्ट्रोनिक्स इन्जिनियरीङ अध्ययन गरेर अष्ट्रेलिया जानु भएका अधिकारी यस अघि अन्तर्राष्ट्रिय समन्वय परिषद सदस्य हुनुहुन्थ्यो । उहाँ नेप्लीज एशोशियसन अफ नर्थन टेरिटोरीको संस्थापक अध्यक्ष पनि हुनुहुन्छ । दर्जनौ सामाजिक संघ संस्थामा अधिकारी आबद्ध हुनुहुन्छ । उहाँले निर्वाचित भए संगै गैर आबासीय नेपाली अभियानका स्थापित उद्धेश्यहरु प्राप्त गराउनका लागि आँफु लागि पर्ने बताउनुभयो । जसमा नेपाली नागरिकताको निरन्तरता, नेपालमा सामुहीक लगानी भित्र्याउने, पर्यटन प्रबर्धन गर्ने, बिदेशमा भएका नेपालीको ज्ञान, सिप, उद्यमशिलता नेपाल भित्र्याउने लगाएतका उद्धेश्य रहेका छन् ।
