चितवन । चितवन प्रहरीले माडीबाट लागूऔषधसहित एक जनालाई पक्राउ गरेको छ । उनका साथबाट नाइट्राभेट ३१७ ट्याब्लेट, कोरेक्स १ बोतल फेला परेको चितवन प्रहरीले जनाएको छ ।
माडी ७ देवेन्द्रपुरमा शंकास्पद रुपमा हिंडिरहेका २१ वर्षका सागर काफ्लेलाई नियन्त्रणमा लिएर चेकजाँच गर्दा उनको साथबाट लागूऔषध फेला परेको चितवन प्रहरीले जनाएको छ । आरोपित काफ्लेलाई लागूऔषधसहित नियन्त्रणमा लिएर प्रहरीले थप अनुसन्धान गरिरहेको छ ।
