चितवन । भरतपुर महानगरपालिकाको सबै मतपेटिका संकलन भएको छ । भरतपुरको मतपेटिका संकलन गर्ने काम सकिएको निर्वाचन कार्यालय भरतपुरले जनाएको छ ।
मतगणना आज रातिबाट हुने भएको छ । अन्तर्राष्ट्रिय प्रदर्शनी केन्द्र भरतपुरमा मतगणना हुने भएको निर्वाचन कार्यालय भरतपुरका प्रमुख भीमसेन कार्कीले जानकारी दिए । भरतपुर महानगरको २९ वडाबाट मतपेटिका प्रदर्शनी केन्द्रमा ल्याइएको छ । मतपेटिका संकलन भइसकेको र सर्वदलीय बैठकपछि मतगणना आज रातिबाट हुने उनले बताए ।
