चितवन। खैरहनी नगरपालिका वडा नं ९ स्थित साइबाबा पेट्रोल पम्पअगाडि डिजेल बोकेको ट्याकर र आइचर ट्रक एकापसमा ठक्कर खाँदा पाँच जना घाइते भएका छन् ।
वीरगञ्जबाट टाँडीतर्फ आइरहेको लु १ ख ६४१८ नम्बरको ट्याकर र विपरीत दिशाबाट जाँदै गरेको ना १ ख ३४३२ नम्बरको आइचर ट्रक एकापसमा ठक्कर खाएको चितवन प्रहरीले जनाएको छ ।
दुवै गाडी ठक्कर खाँदा आइचर ट्रकमा सवार रहेका चार जना र ट्याकरका एक जना घाइते भएका प्रहरीको भनाइ छ । घाइते हुनेहरुमा घाइते हुनेहरुमा आइचर चालक भरतपुर १२ का ५० वर्षका गजेन्द्र कुमाल, आइचरमै सवार रोल्पा रुन्चीगढी गाउँपालिका १ बस्ने वर्ष २२ का नवराज परियार, दाङ राजापुर ६ बस्ने, वर्ष २८ का जितबहादुर बूढा, रोल्पा रुन्चीगढी गाउँपालिका ९ बस्ने वर्ष १९ का प्रकाश कामी घाइते भएका छन् ।
यस्तै, ट्याकंर चालक बुटवल १६ बस्ने वर्ष ३६ का मनोहर दुगरिया घाइते भएका छन् । अधिकांश घाइतेको खुट्टामा चोट रहेको छ । उनीहरुको पुरानो मेडिकल कलेजमा उपचार भइरहेको प्रहरीले जनाएको छ ।
