काठमाडौँ।प्रधानमन्त्रीको सरकारी निवास बालुवाटारमा सत्ता गठबन्धनको बैठक बसिरहेको छ । स्थानीय तहको चुनावमा तालमेलको खाकाबारे छलफल गर्न शीर्ष नेताहरु जुटेका हुन् ।
आजको बैठकमा कांग्रेस वरिष्ठ नेता रामचन्द्र पौडेल नेतृत्वको निर्वाचन तयारी तथा अनुगमन समितिको सत्ता गठबन्धनको निर्वाचन परिचालन तथा अनुगमन समितिले प्रतिवेदन बुझाउने छ । त्यसपछि शीर्ष नेताहरुले प्रतिवेदनमाथि छलफल गरी आगामी रणनीति तय गर्ने बताइएको छ। साथै गठबन्धनका शीर्ष नेताहरुले संयुक्त अपील जारी गर्ने तयारी पनि छ ।
