चितवन। पछिल्लो २४ घन्टामा ७ जना कोरोना संक्रमित थपिएका छन् । सोहि अवधिमा ६ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ४ जना र रत्ननगर नगरपालिकामा १ जना, माडी नगरपालिकामा १ जना, कालिका नगरपालिकामा १ जना संक्रमित थपिएका छन् । सोमबार सक्रिय संक्रमितको संख्या ७८ पुगेको छ ।
हालसम्म चितवनमा कोरोना संक्रमितको संख्या २७ हजार २५७ पुगेको छ । २६ हजार ७४३ जना निको भएका छन् । चितवनमा कोरोनाबाट मृत्यु हुनेको संख्या ४३६ पुगेको स्वास्थ्य कार्यालय चितवनले जनाएको छ।
