चितवन। पछिल्लो २४ घन्टामा ११ जना कोरोना संक्रमित थपिएका छन् । सोहि अवधिमा २४ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ९ जना र खैरेहनी नगरपालिकामा २ जना संक्रमित थपिएका छन् । मंगलबार सक्रिय संक्रमितको संख्या १३२ पुगेको छ ।
हालसम्म चितवनमा कोरोना संक्रमितको संख्या २७ हजार १३५ पुगेको छ । २६ हजार ५७० जना निको भएका छन् । चितवनमा कोरोनाबाट मृत्यु हुनेको संख्या ४३३ पुगेको स्वास्थ्य कार्यालय चितवनले जनाएको छ।
