चितवन। पछिल्लो २४ घन्टामा २१ जना कोरोना संक्रमित थपिएका छन् । सोहि अवधिमा १० जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा १८ जना र खैरेहनी नगरपालिकामा १ जना, रत्ननगर नगरपालिकामा २ जना संक्रमित थपिएका छन् । सोमबार सक्रिय संक्रमितको संख्या १३९ पुगेको छ ।
हालसम्म चितवनमा कोरोना संक्रमितको संख्या २७ हजार ११८ पुगेको छ । २६ हजार ५४६ जना निको भएका छन् । चितवनमा कोरोनाबाट मृत्यु हुनेको संख्या ४३३ पुगेको स्वास्थ्य कार्यालय चितवनले जनाएको छ।
