चितवन । राष्ट्रिय प्रजातन्त्र पार्टीको आगामी नेतृत्वका लागि नेता कमल थापा र राजेन्द्र लिङदेन चुनावी मैदानमा रहेका छन् । थापा र लिङदेन दुबैले आफ्नो प्यानल बनाएर चुनावमा उत्रेका छन् । अचम्म के छ भने चितवनका नेता विक्रम पाण्डेको उम्मेदवारको सुचीमा दुबै प्यानलमा नाम रहेको छ ।
लिङ्देन प्यानलले उपाध्यक्षको उम्मेदवारमा विक्रम पाण्डेलाई उभ्याएको छ । लिङ्देन प्यानलले विक्रम पाण्डे आफ्नो समूहको रहेको दावी गरिरहेका छ । तर कमल थापा पक्षले पनि विक्रम पाण्डेलाई उम्मेदवारको सुचीमा उपाध्यक्षमा राखेको छ । थापा पक्षले पनि विक्रम पाण्डे आफ्नो उम्मेदवार भएको दावी गरेको छ । दुबै प्यानलले आफ्नो सुचीमा विक्रम पाण्डेलाई राखेपछि उनको जित सुनिश्चितजस्तो भइसकेको छ । विक्रम पाण्डेले भने यस विषयमा केही बोलेका छैनन् । उनले उपाध्यक्षको उम्मेदवार भन्दै भोट मागिरहेका छन् ।
