चितवन । प्रथम विरेन्द्र शाही स्मृति क्रिकेट प्रतियोगिता अन्तर्गत रोयल क्रिकेट क्लब बुटवललाई पराजित गर्दै ग्लोबल इन्टरफेस इस्टर्न क्रिकेट एकेडेमी चितवन क्वार्टरफाइनलमा प्रवेश गरेको छ । आज कैलालीमा भएको खेलमा रोयल क्रिकेट क्लब बुटवललाई ६० रनको फराकिलो जित निकाल्दै इस्टर्न क्रिकेट एकेडेमी क्वार्टरफाइनलमा प्रवेश गरेका हो ।
ग्लोबल इन्टरफेस इस्टर्न क्रिकेट एकेडेमी चितवनको लागि विदुर पुनले ५५ रनको अविजित पारि खेले भने, पेम्बा लामाले २६ रनको योगदान दिए । रोयलका लागि प्रनउ झाले १४ रन जोडे भने बाँकी ब्याट्स म्यानले दोहोरो अंक जोड्न सकेनन् ।
त्यस्तै बलिङ तर्फ इस्टर्नका ससिर न्यौपानेले ४ विकेट लिए भने श्रियान्स थापाले ३ विकेट हात पारे । खेलको म्यान अफ द म्याच ससिर न्यौपाने चयन भए ।
