काठमाडौं । पछिल्लो २४ घण्टामा थप एक हजार दुई सय ८१ जनामा कोरोना भाइरस संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार ७००१ र ५४७ जनामा गरिएको एन्टिजेन परीक्षण गर्दा १२८१ जनामा संक्रमण पुष्टि भएको हो । योसँगै नेपालमा कोरोना संक्रमितको कुल संख्या दुई लाख ८५ हजार ९०० पुगेको छ । त्यस्तै,पछिल्लो २४ घण्टामा आठ जनाको मृत्यु भएको छ । हालसम्म कोरोनाबाट मृत्यु हुनेको संख्या तीन हजार ९१ पुगेको छ ।
त्यसैगरी,पछिल्लो २४ घण्टामा २५५ जना निको भएका छन् । अहिले सम्म निको हुनेको संख्या दुई लाख ७५ हजार ५५५ पुगेको छ । भने सक्रिय संक्रमितको संख्या ७२५४ रहेको छ ।
