चितवन । भरतपुर –१६ विजयनगर चोकमा स्कुटरको ठक्करबाट एक जनाको मृत्यु भएको छ ।
हिजो मंगलबार बेलुका ६ः२० बजेको समयमा नयाँबस्तीबाट विजयनगरतर्फ जाँदै गरेको ना ५७ प १९४१ नम्बरको स्कुटरले विजयनगर बस्ने ८१ वर्षीय नन्दकला पौडेललाई ठक्कर दिएको जिल्ला प्रहरी कार्यालय चितवनले जानकारी दिएको छ ।
उनको चितवन मेडिकल कलेजमा उपचारको क्रममा गएराति १२ः४९ बजे मृत्यु भएको प्रहरीले बताएको छ । स्कुटर चालक भरतपुर–१७ बस्ने वर्ष ३९ को टंक प्रसाद सापकोटालाई प्रहरीले नियन्त्रणमा लिएको छ ।
