चितवन । चितवनको माडी नगरपालिका -१, सिखारीपुरमा चट्याङ लागेर एक महिलाको मृत्यु भएको छ ।
आज (आइतबार) बिहान करीब ९ बजे परेको चट्याङ लागी दयाराम महतोका श्रीमती, बर्ष ५० का सरस्वती महतोको मृत्यु भएको हो । बिहान भारी बर्षा भइरहेको समयमा गोठमा रहेको भैंसी सार्न घरबाहिर निक्लिँदा उहाँमाथि चट्याङ परेको थियो ।
चट्याङका कारण महतोको कपाल, ढाड, खुट्टा र शरीरका अन्य भागहरु जलेको छ । मृतकको शव परीक्षणका लागि जिल्ला अस्पताल भरतपुर पठाउने तयारी गरिएको माडी प्रहरीले बताएको छ ।
