काठमाडौँ । पछिल्लो २४ घण्टामा थप ५३४ जनामा कोरोना भाइरस सङ्क्रमण पुष्टि भएको छ । मन्त्रालयका अनुसार पछिल्लो २४ घण्टामा देशभर गरिएको चार हजार ११५ जनामा पीसिआर परीक्षण गर्दा ५३४ जनामा कोरोना भाइरस सङ्क्रमण पुष्टि भएको हो ।
योसँगै नेपालमा कोरोना भाइरस सङ्क्रमितको सङ्ख्या दुई लाख ८२ हजार ५४ पुगेको स्वास्थ्य तथा जनसङ्ख्या मन्त्रालयले जनाएको छ । भने १५७ जना निको भएका छन् । त्यस्तै,पछिल्लो २४ घण्टामा ५ जनाको मृत्यु भएको छ । योसंगै हालसम्म नेपालमा कोरोनाका कारण ज्यान गुमाउनेको संख्या ३ हजार ६६ पुगेको छ । हाल देशभर चार हजार ३८४ सक्रिय सङ्क्रमित रहेका छन् ।
